![](http://storage.kun.uz/source/1/a01jIQuWdB7XaEwxmn6V5Vl6kHCLpb_i.jpg)
Parij timsoli bo‘lgan Eyfel minorasiga tashrif buyuruvchilarda golf o‘ynash imkoni paydo bo‘ldi. BFM telekanalining xabar berishicha, mini-maydoncha 57 metrlik balandlikda joylashgan.
Takrorlanmas loyiha Fransiya golf federatsiyasi bilan birgalikda, sportning bu turidagi eng muhim voqea – Yevropa va AQSh jamoalari o‘rtasida Rayder kubogi uchun bahsdan avval amalga oshirildi. Bellashuvlar kelasi yilning 25-30 sentabr kunlari Parijdagi Le Golf National majmuasida bo‘lib o‘tadi.
![](http://storage.kun.uz/source/uploads/2017-0910/53645.jpg)
Oltita chuqurchaga ega mitti sport maydonchasini Parijdagi eng mashhur joylar – Luvrdagi shishali piramida-kirish, Notr-Dam ibodatxonasi, Eyfel minorasining o‘zi, Garne operasi, G‘alaba arkasi va Monmartrdagi mashhur Sakre-Kyor bazilikasi maketlari bezab turadi. Bu yerda golfni 5-noyabrgacha o‘ynab ko‘rish mumkin.
![](http://storage.kun.uz/source/uploads/2017-0910/536451.jpg)
![](http://storage.kun.uz/source/uploads/2017-0910/536452.jpg)