Abdulla Aripov bugun Ozarboyjonga tashrif buyuradi

O‘zbekiston Respublikasi bosh vaziri Abdulla Aripov boshchiligidagi delegatsiya 2017 yil 30 oktabr kuni Ozarboyjon Respublikasiga tashrif buyuradi. Bu haqda TIV axborot xizmati xabar bermoqda.

Qayd etilishicha, tashrif dasturiga ko‘ra delegatsiya “Boku-Tbilisi-Kars” temir yo‘l yo‘nalishing ochilish marosimida ishtirok etishi kutilmoqda.

Ma'lumot uchun, temir yo‘lning asosiy maqsadi uch davlat – Gruziya, Ozarboyjon hamda Turkiya temir yo‘llarini o‘zaro bog‘lash. Shu tariqa, Markaziy Osiyodan Janubiy Kavkaz orqali Yevropaga ancha arzonroq va qisqaroq muqobil yo‘lak paydo bo‘ladi.