Yanvar-sentabr oylarida oziq-ovqat tovarlari narxi 7,6 foizga o‘sdi

2017 yilning 9 oyi uchun 2016 yilning mos davriga nisbatan oziq–ovqat tovarlari narxlarining o‘sish tendensiyasi kuzatilmoqda. Bu haqda UzDaily Davlat statistika qo‘mitasiga asosan xabar berdi.

Shu tariqa, yaqqol inflyatsion jarayonlar oziq–ovqat tovarlari dinamikasida o‘zini namoyon qildi, bunda o‘rtacha oylik o‘sish sur'ati 0,8 foizni, 2017 yilning yanvar-sentabrida 7,6 foizni tashkil etdi.

Xizmatlar narxlarining o‘sishi o‘tgan yilning mos davriga nisbatan o‘zgarmay qoldi. Xizmatlarga tariflar 2017 yilning sentabr oyida, o‘rtacha oylik o‘sish sur'ati 0,8 foizni tashkil qilgan holda, 2016 yilning dekabr oyiga nisbatan 7,0 foizga teng bo‘ldi.