Janubiy Koreyada zilzila ro‘y berdi

Janubiy Koreyaning sharqiy qirg‘oqlarida zilzila ro‘y berdi. Janubiy Koreya Meteorologiya boshqarmasi ma'lumotiga ko‘ra, Kyonsan-Pukto viloyati Pxoxan shahri hududida 5,4 balli zilzila qayd etilgan.

Yer silkinishi mahalliy vaqt bilan soat 14.29da (Toshkent vaqti bilan soat 10.29) kuzatilgan. Zilziladan keyin bir necha aftershoklar kuzatilgan, bu yer silkinishlari kuchi 3,6 balldan oshmagan.

Yonhap agentligi xabariga ko‘ra, zilzila markazidan 100 kilometr masofadagi Seulda ham yer qimirlashi sezilgan.

Hodisa tafsilotlari haqida ma'lumotlar yo‘q.