Nigeriyada bir qator teraktlar oqibatida 14 kishi halok bo‘ldi

Nigeriyaning shimolidagi Mayduguri shahrida terrorchi-xudkushlar amalga oshirgan portlashlar oqibatida 14 kishi halok bo‘ldi, 29 kishi yaralandi. Bu haqda Borno shtati politsiyasiga iqtibos keltirgan holda Premium Times xabar bermoqda.

“4 nafar terrorchi-xudkush – 2 ayol va 2 erkak shaharning turli qismlarida tanalariga mahkamlangan portlovchi qurilmalarni ishga tushirishgan”, deb xabar qilingan politsiyada.

Xudkushlar taxminlarga ko‘ra “Boko Harom” terrorchilik guruhiga tegishli bo‘lganlar.

Nigeriyada “Boko Harom” terrorchilik guruhi harakat qiladi. Uning jangarilari ta'limning g‘arbiy modeliga qarshi chiqadilar va butun mamlakat bo‘ylab shariat qonunlari o‘rnatilishiga erishmoqchi bo‘ladilar.