«AQShdagi istalgan joyga yetib borishi mumkin». KXDR bayonot berdi

Foto: KCNA/Kugeuky

KXDR Hwasong-15 qit'alararo ballistik raketasi muvaffaqiyatli sinovdan o‘tkazilgani haqida ma'lum qildi, deb xabar bermoqda «Renxap».

Shimoliy Koreyadagilar 28 noyabr kuni sinovdan o‘tkazilgan va Yaponiya qirg‘oqlari yaqiniga qulagan Hwasong-15 raketasi muvaffaqiyatli sinovdan o‘tkazilgan deb ma'lum qilishdi, deya ta'kidlaydi RIA «Novosti».

Shuningdek Pxenyanning bayonotida aytilishicha, raketa AQSh hududidagi istalgan joyga yetib borishi mumkin.

KXDR sinovni amalga oshirganidan so‘ng Janubiy Koreya ham o‘zining qanotli raketalarini test rejimida uchirish bilan javob qaytardi. Keyinchalik BMT Xavfsizlik kengashi Shimoliy Koreya tomonidan yangi sinov o‘tkazilgani tufayli favqulodda yig‘ilish o‘tkazilishini e'lon qildi.