Rossiya TIV rasmiysi: G‘arb mamlakatlari IShID tor-mor etilishini o‘zlashtirmoqda
Rossiyaning g‘arbdagi hamkor mamlakatlari, Moskvaning Suriyadagi harbiy muvaffaqiyatlarini o‘g‘irlashga uringandan ko‘ra, o‘zlarining Iroq, Liviya va Afg‘onistonda nimalarga "erishganlari"ni yodda tutishlari kerak. Rossiya TIV rasmiy vakili Mariya Zaxarova shunday fikrni bildirmoqda. U Fransiya tashqi ishlar vaziri Jan-Iv Le Drianning Rossiya IShID ustidan g‘alabani "o‘zlashtirib olgani" haqidagi bayonotini shunday izohladi.
Zaxarova Facebook ijtimoiy tarmog‘ida Maxial Bulgakov romanidan iqtibos keltirgan va unga mos keluvchi so‘zlar bilan javob bergan.
"Janoblar, bas qiling! Sizlarning yutuqlaringiz — bu Iroq, Liviya va Afg‘oniston. Shular bilan faxrlanavering", — deb yozgan TIV vakili.
Avvalroq Rossiya mudofaa vazirligi ham AQSh yetakchiligidagi xalqaro koalitsiyani tanqid qilgan edi. "Koalitsiya o‘zi mavjud bo‘lgan 3 yil mobaynida IShIDga qarshi kurashda ilk marotaba “natija” ko‘rsatdi. U keng qamrovli bombardimonlar bilan Raqqada tinch aholi vakillarini o‘ldirdi", — deyiladi mudofaa vazirligi bayonotida.
Mavzuga oid
21:00 / 07.10.2024
Ramzon Qodirov migratsiya siyosatida «o‘rta asr yondashuvlaridan» voz kechishga chaqirdi
20:07 / 07.10.2024
Rossiyada sakkiz nafar general lavozimdan olindi - OAV
15:11 / 05.10.2024
“O‘zbekiston DXX Rossiyaga IShID a’zolarini tutishga yordam bergan” - Bortnikov
20:51 / 04.10.2024