Novosibirskda qora qor yog‘di

Rossiyaning Novosibirsk shahri meri Anatoliy Lokot aholidan ko‘mir qurumi tufayli yuzaga kelgan qora qor bo‘yicha kelayotgan shikoyatlar sababli Novosibirsk elektrovoz-ta'mirlash zavodi rahbariyatidan qozonxonani gazga o‘tkazish jarayonini tezlashtirishni talab qildi.

Ushbu hafta Novosibirskning Pervomaysk tumanidagi “Vesenniy” kichik tumani aholisi yaqin yerda joylashgan zavod tufayli qor qurum sabab qora rangga aylangani borasida ommaviy ravishda shikoyat qilishdi, bu shahar hukumatining korxona isitish mavsumini yangi gaz qozonxonasidan boshlashiga oid va'dalariga qaramay yuz berdi.

"Menga “Vesenniy” kichik tumani aholisidan ko‘plab murojaatlar kelmoqda. Ularning so‘zlariga ko‘ra, ushbu zavodning ko‘mir qozonxonasidan chiqarilayotgan moddalar atrof-muhitni ifloslantirishda davom etmoqda. Ularning tashvishini tushunaman. Tumanda istiqomat qiluvchi fuqarolar toza havodan nafas olishni istaydi", - deya yozgan Lokot Facebook’dagi sahifasida.

Shahar merining ma'lum qilishicha, juma kuni zavod direktoriga qo‘ng‘iroq qilgan hamda qozonxonani gazga o‘tkazish jarayonini tezlashtirish talabi bilan chiqqan.

{Yii::t(}

O'tkazib yuborish 6s

O'tkazib yuborish