Tramp KXDR haqida: «Jahonga tinchlik kerak!»

AQSh prezidenti Donald Tramp Shimoliy Koreyaga nisbatan yanada qattiqroq sanksiyalar joriy etilganini yuqori baholadi, bu KXDRning ballistik raketalar sinoviga javoban amalga oshirildi. Qo‘shma Shtatlar rahbari bu haqda juma kuni Twitter ijtimoiy tarmog‘idagi sahifasida yozgan.

"BMT Xavfsizlik Kengashi hozirgina Shimoliy Koreyaga nisbatan qo‘shimcha sanksiyalar uchun 15-0 ko‘rinishida ovoz berdi. Jahonga tinchlik kerak, o‘lim emas!" – deya yozgan AQSh prezidenti.

Eslatib o‘tamiz, avvalroq AQSh KXDRga harbiy hujum qilish rejasini ishlab chiqayotgani, bu uni yadroviy dasturni to‘xtatishiga majburlash maqsadida kerak bo‘lishi haqida xabar berilgandi.