KXDR vs AQSh. Qo‘shma Shtatlar yana ayblandi

KXDRning BMTdagi doimiy vakolatxonasida Qo‘shma Shtatlar bilan aloqalarga javobgar bo‘lgan shimoliy koreyalik diplomat Pak Son Ilning Associated Press’ga bergan intervyusida ma'lum qilishicha, AQSh, Pxenyanni WannaCry kompyuter virusini tarqatishda ayblab, Shimoliy Koreyaga qarshi dushmanlik kayfiyatidagi muhitni yanada keskinlashtirishga urinmoqda.

Uning so‘zlariga ko‘ra, bu ayblovlar KXDRga nisbatan «o‘ta keskin muhitni yaratish» kabi vazifani o‘z oldiga maqsad qilib qo‘ygan.

«Agarda ular bunga to‘la ishonishsa, u holda dalil-isbotlarni taqdim etishsin», - deya aytib o‘tdi Son Il.

Avvalroq AQSh prezidentining ichki xavfsizlik bo‘yicha yordamchisi Tom Bossert WannaCry zararli dasturi bilan kiberhujum ortida Shimoliy Koreya turgani haqida ma'lum qilgandi.