«Yugurdaklar». KXDR o‘zining yadroviy salohiyati bo‘yicha bayonot berdi 

KXDR o‘z yadroviy salohiyatini rivojlantirish bo‘yicha rejalardan voz kechmaydi. Bu haqda Shimoliy Koreyaning Markaziy telegraf agentligi bayonotida aytiladi, deb xabar bermoqda RIA «Novosti».

«Bizning partiya va davlat, sotsialistik Koreyaning yangi yildagi yo‘lini ko‘rsatib, o‘z prinsipial pozitsiyalari haqida ma'lum qilishdi. Biz mudofaa qudrati va ogohlantiruvchi zarbaga javob qaytarish imkoniyatini rivojlantirib boramiz. Bunda yadroviy kuchlar eng asosiy jihatga aylanadi hamda bu AQSh va uning yugurdaklari tomonidan yadro tahdidi hamda shantaj yo‘q bo‘lmagunga qadar davom etadi», - deyiladi xabarda.

Shuningdek Koreya Markaziy telegraf agentligi bayonotida aytilishicha, 3 sentabr kungi vodorod bombasining sinovi – bu «bizning mamlakatni jahondagi yadro quroliga ega qudratli davlat darajasiga ko‘targan buyuk g‘alabadir». Pxenyanning ishonch bildirishicha, shu sababdan ham yadro urushining oldi olindi.

Eslatib o‘tamiz, avvalroq Kreml AQSh va KXDR bo‘yicha bayonot bergandi.