Mirziyoyev O‘zbekistondan kimlar hajga birinchi bo‘lib ketishini ma'lum qildi
Prezident Shavkat Mirziyoyev Toshkent viloyatiga tashrifi chog‘ida viloyat faollari bilan uchrashib, ma'ruza qildi. Davlat rahbari o‘z nutqida viloyatda diniy-ma'rifiy ishlar masalasiga ham to‘xtaldi. U viloyatdagi qaysi millatga tegishli bo‘lishidan qat'inazar barcha qabristonlarni obod qilish tashabbusi bilan chiqdi. Mirziyoyev, shuningdek Islom dinining beshinchi arkoni – Haj ibodati xususida ham o‘z fikrlarini bildirdi.
“Islom to‘g‘risida, dinimizning pokligini BMT minbarida, Islom tashkiloti, Shanxay hamkorlik tashkiloti yig‘ilishlarida aytdim. Imom al Buxoriy markazi, Toshkent Islom sivilizatsiyasi markazi, Islom akademiyasini tashkil etdik.
Mana hajga borishadi. Butun dunyodan boradi. O‘zbekistondan hajga borganlar o‘tganida madaniyat va ilmning hidi kelishi kerak. Kechirasizlar, Haj ibodatmi, tijoratmi? 50 foizi tijorat uchun borayapti, ular bobolarimizni sharmanda qilayapti.
Alhamdulilloh, hammamiz musulmonmiz. Hajga borish uchun endi ro‘yxat bo‘lmaydi. Men 2 ming qo‘shib berdim, lekin kerak bo‘lsa, ming kishini yuboraman. Kimni yuboraman? Kim masjidga kirib, Qur'ondan 2 surani o‘qib berib, shu mahalla, shu ko‘chadagi adashganni men zimmamga olaman, u adashgan bo‘lmaydi, mening ibodatimning shukronaligi shu bo‘ladi, desa, birinchi bo‘lib, shu odam ketadi.
Bir-birimiz bilan ilmda, bilimda musobaqa qilaylik. Fan doktori Imom al Buxoriyning falon kitobi falon bandini tashviq qilsa, qanday yaxshi bo‘lar edi. Buni kim qiladi? O‘zimiz qilamiz”, - dedi Prezident Mirziyoyev.
Mavzuga oid
21:31 / 14.10.2024
Prezident Toshkent viloyatida jami 2 mlrd dollarlik 9 ta loyihaga start berdi
18:39 / 14.10.2024
Shavkat Mirziyoyev Kelesdagi o‘zgarishlar, Zangiota va Yangiyo‘ldagi loyihalar bilan tanishdi
20:48 / 09.10.2024
Buxoroning yangi aeroporti soatiga 8 ta samolyotga xizmat ko‘rsatadi
21:49 / 08.10.2024