«Real» «Numansiya»ni yenga olmadi

Madridning «Real» klubi Ispaniya Kubogining 1/8 finalida «Numansiya»ga qarshi ikkinchi uchrashuvda g‘alabani saqlab qololmadi. Madridda kechgan javob uchrashuvi 2:2 hisobida yakunlandi. 

Maydon egalari safida Lukas Vaskes dubl qayd etdi, mehmonlarning ikki goli  Gilermo Fernandes hisobiga yozildi, u ikkinchi golni 82-daqiqada urdi va hisobni tenglashtirdi. 

Jamoalarning birinchi uchrashuvida madridliklar 3:0 hisobida g‘alaba qozongandi. Shu tariqa «Real» Ispaniya Kubogida chorak finalga chiqdi.

Ispaniya Kubogi
1/8 final
Javob uchrashuvlari
Real Madrid – Numansiya 2:2 (1:1, 1:1)
Gollar: 1:0 – 10 Vaskes, 1:1 – 45 Fernandes, 2:1 – 59 Vaskes, 2:2 – 82 Fernandes.
Real Madrid – Kasilya, Valexo, Teo, Karvaxal (Xakimi, 46), Nacho, Kovachich, Lorente, Vaskes, Sebalos, Asensio (Isko, 63), Mayoral (Kazemiro, 77).
Numansiya – Muhammdiy, Kalvo, Garsiya, Medina (Echeberriya, 72), Elxesabal, Grego Serra, Mateu (Milya, 66), Larrea, Neto, Nacho, Ixinio Marin (Fernandes, 41).
Ogohlantirishlar: Grego Serra (18), Kalvo (84), Kazemiro (87).
Chetlatish: Kalvo (90).