Seul va Pxenyan Olimpiada bo‘yicha muloqotni amaliy darajada boshladi

Pxanmunjom chegaraoldi punktida Janubiy Koreyaning Pyongchangida bo‘lib o‘tadigan qishki Olimpiadada KXDR delegatsiyasi ishtiroki bo‘yicha muzokaralar amaliy darajada boshlandi. Bu haqda TASS xabar berdi.

Tomonlar uchrashuv davomida KXDR delegatsiyasining o‘yinlardagi ishtiroki texnik jihatlarini muhokama qiladi – xususan, joylashtirish va logistika masalasi. Bundan tashqari, mamlakatlar sportchilarining ochilish va yopilish marosimida yagona bayroq ostida o‘tishi imkoniyati ham muhokama qilinishi mumkin.

Muzokaralar avvalida Koreya Respublikasining Birlashuv vazirligi rahbari o‘rinbosari Chun Xe Son muloqot o‘zaro hurmat hamda tushunish asosida bo‘lib o‘tishiga umid bildirdi.