Dunyodagi eng tezkor mitti robot ishlab chiqarildi
Robotlar turlicha bo‘ladi. Ko‘pincha "robot" so‘zini eshitganimizda xayolimizga mashhur Boston Dynamics kompaniyasining so‘nggi ishlanmasini yodga soluvchi antropomorf mexanik mavjudot keladi. Biroq ushbu tushuncha ancha keng qamrovli. Hi-News'da yozilishicha, Harvard universiteti tadqiqotchilari insonga o‘xshashi bilan maqtana olmaydigan mitti milliDelta robotini ishlab chiqishdi. Shunday bo‘lsa-da, bugunga kelib u o‘z toifasida dunyodagi eng tezkor va aniq harakat qiluvchi robot hisoblanadi.
Manbaga ko‘ra, milliDelta roboti misli ko‘rilmagan tezlikda harakat qila oladi - soniyasiga 75 harakatgacha. Agar uning xatti-harakatlarini videokameraga olinsa, u xira dog‘ga aylanadi. Harvard ishlab chiqaruvchilari o‘z "mahsulotlari"ni qo‘llashning ko‘plab yo‘lini ko‘rishmoqda. Masalan, u tibbiy uskunaning bir qismiga aylanishi va shifokorlarga mikrojarrohlikda yordam berishi mumkin.
MilliDelta delta-robotlar toifasiga kiradi. Bu dizayn 80-yillarda ishlab chiqilgan va ko‘pincha turli fabrika va korxonalarda qo‘llanilgan. Bunday robotlar konveyerlarga o‘rnatilib, turli detallarni o‘rnatish bilan shug‘ullanishgan. Zamonaviy texnologiyalar sharofati bilan milliDelta delta-robotini o‘nlab baravarga kichraytirishga muvaffaq bo‘lingan. U elektr motor o‘rniga pezoelektrik aktuatorlar bilan ta'minlangan.
Mavzuga oid
23:14 / 03.09.2024
Keniyada robot ofitsiantlar: texnologiya Sharqiy Afrika restoran biznesini o‘zgartirmoqda
22:34 / 03.08.2024
Sun’iy intellektga ega robot xavfli zonalarga yuboriladi
22:54 / 28.05.2024
Xitoyda miltiqdan o‘q otadigan robot-itlar namoyish etildi
15:30 / 06.05.2024