Parlament Milliy xavfsizlik xizmati faoliyatini nazorat qiladi

O‘zbekistonda «Milliy xavfsizlik xizmati to‘g‘risida»gi qonun loyihasi ishlab chiqiladi. Bu O‘zbekiston Respublikasi Prezidenti Farmoni bilan qabul qilingan «Faol tadbirkorlik, innovatsion g‘oyalar va texnologiyalarni qo‘llab quvvatlash yili» Davlat dasturida nazarda tutilgan.

Qonunga ko‘ra Milliy xavfsizlik sohasida parlament nazorati mexanizmlari belgilanadi.

O‘zbekistonda shuningdek, huquqni muhofaza qiluvchi organlar faoliyatida qonuniylik va adolatni ta'minlashga qaratilgan chora-tadbirlarni nazarda tutuvchi «​Huquqni muhofaza qiluvchi organlar to‘g‘risida»​gi O‘zbekiston Respublikasi qonuni loyihasini ishlab chiqilishi kutilmoqda.