KXDR Suriya va Myanmaga qurol sotgani aytilmoqda

BMT monitoring agentligi maxsus hisobotni tayyorladi, unga ko‘ra, KXDR 2017 yilda sanksiyalarni chetlab o‘tgan holda go‘yoki 200 mln dollar ishlab olgan.

Hisobotga ko‘ra, KXDR Rossiya va Xitoy orqali ko‘mir yetkazib bergan, shuningdek, Suriya hamda Myanmaga qurol sotgan, deb xabar bermoqda Reuters.

Xususan, agentlik ma'lumotlariga qaraganda, yetkazmalardan biri kimyoviy korxona barpo etish uchun materiallarga ham ega bo‘lgan.

Eslatib o‘tamiz, avvalroq KXDR Janubiy Koreya va Yaponiyaga ko‘mirni rus portlari orqali yetkazib bergani, bu BMT sanksiyalariga qaramay sodir bo‘lgani xabar qilingandi.