KXDR Rossiya yordamida ko‘mir bilan savdo qilmoqda – OAV

KXDR Janubiy Koreya va Yaponiyaga ko‘mirni rus portlari orqali yetkazib bergan. Bu BMT sanksiyalariga qaramay sodir bo‘lgan, deb xabar qilmoqda Reuters G‘arbiy Yevropadagi razvedka manbalariga tayangan holda.

Agentlik ma'lumotiga ko‘ra, Shimoliy Koreya kamida uch marta ko‘mirni Naxodka va Xolmsk porti orqali o‘tkazgan. AQSh xavfsizlik organlaridagi manba bu ma'lumotni tasdiqladi hamda Rossiya orqali ko‘mir bilan savdo qilish davom etayotganini ta'kidladi.

Eslatib o‘tamiz, avvalroq Reuters agentligi Rossiya tankerlari o‘tgan yilning oktabr va noyabrida Shimoliy Koreya kemalariga bir necha marta neft quyib bergani, bu sanksiyalarga qaramay yuz bergani haqida xabar qilgandi.