Foto: KUN.UZ
15 fevral kuni soat taxminan 4:30 da Toshkent shahri, Shayxontohur tumanidagi Bog‘ ko‘cha mahallasida joylashgan shaxsiy xonadonda yong‘in sodir bo‘lgani haqida xabar berilgandi.
Xabarlarga ko‘ra, yong‘in natijasida ushbu xonadonda yashab kelgan bir oilaning yetti nafar a'zosi hayotdan ko‘z yumgan.
Dastlab gaz degan taxminlar bildirilgandi, ammo hozirda elektr uzatish tizimidagi nosozlik tufayli qisqa tutashuv natijasida yong‘in kelib chiqqani taxmin qilinmoqda. Fojia joyida maxsus o‘rganish guruhi ish olib bormoqda.
