Saudiyalik ayollarga erkaklar roziligisiz shaxsiy biznes ochishga ruxsat berildi
Saudiya Arabistonida ayollarga turmush o‘rtog‘i yoki erkak qarindoshi roziligisiz shaxsiy biznes ochishga ruxsat berildi. Bu haqda qirollikning tijorat va investitsiyalar vazirligi ma'lum qildi.
Avval buning uchun vasiy roziligi kerak bo‘lgan.
“Endilikda ayollar o‘z vasiysining roziligi haqidagi isbotni taqdim qilmay o‘z bizneslarini ochishlari va davlat elektron xizmatlaridan foydalanishlari mumkin”, deyilgan xabarda.
Saudiya Arabistoni amal qiluvchi vasiylik tizimiga ko‘ra, ayollar davlat hujjatlari bilan ishlash, sayohat qilish va o‘qish uchun o‘z “vasiysi”ning roziligi haqidagi isbotni taqdim qilishlari kerak. Odatda, bunday vasiy ayolning turmush o‘rtog‘i bo‘ladi.
Joriy haftada mamlakat bosh prokuraturasi ayollarning tergovchi lavozimiga olinishlarini ilk bor e'lon qildi. O‘tgan yil sentabrda esa Saudiya Arabistonida ayollarga mashina haydashga ruxsat berilgandi.
Saudiyalik ayollarning huquqlari ro‘yxati valiahd shahzoda Muhammad bin Salmonning islohotlari tufayli kengaymoqda.
Mavzuga oid
15:56 / 08.10.2024
Tug‘uruqxonalardagi o‘limni qanday kamaytirish mumkin? – Saudiyada ishlayotgan o‘zbek shifokori bilan suhbat
14:30 / 01.10.2024
O‘zbekiston bosh vaziri o‘rinbosari Saudiya investitsiyalar vaziri bilan muzokara o‘tkazdi
19:43 / 29.09.2024
Saudiya Arabistonida 2024 yilda qancha inson qatl etilgani ma’lum bo‘ldi
12:40 / 27.09.2024