Putin va Erdo‘g‘an aprelda uchrashmoqchi

Rossiya va Turkiya prezidentlari Vladimir Putin va Rajab Toyyib Erdo‘g‘an o‘rtasida aprel boshida uchrashuv o‘tkazilishi rejalashtirilmoqda. Bu haqda Turkiya bosh vaziri o‘rinbosari Bakir Bo‘zdag ma'lum qildi.         

“Turkiya, Rossiya va Eron o‘rtasida Suriyadagi vaziyatni tartibga solish bo‘yicha muzokaralar davom etmoqda. 14 mart kuni Moskvada davlatlarimiz tashqi ishlar vazirlari ishtirokida uchrashuv bo‘lib o‘tadi. 16 mart kuni Ostonada Eron ishtirokida uch tomonlama uchrashuv bo‘lib o‘tadi”, deb aytgan Bo‘zdag jurnalistlarga.     

Uning aytishicha, Putin va Erdo‘g‘an o‘rtasidagi uchrashuvni aprel boshida Turkiyada o‘tkazish rejalashtirilmoqda, biroq hozircha aniq sana belgilanmagan. Shundan keyin Suriya bo‘yicha Rossiya-Turkiya-Eron sammiti bo‘lib o‘tadi.