Qoʻshimcha funksionallar
-
Tungi ko‘rinish
Turkiya Afringa maxsus topshiriqli bo‘linmalarini kiritdi
© REUTERS / Khalil Ashawi
Turkiya Suriya shimolidagi Afrin hududiga qo‘shimcha kuchlar, xususan, maxsus topshiriqli bo‘linmalarini yo‘lladi. Bu haqda Turkiya bosh vaziri o‘rinbosari Bekir Bo‘zdog‘ ma'lum qildi.
«Afringa maxsus topshiriqli kuchlarimizni kiritdik. Bundan maqsad tinch aholi himoyasini ta'minlash va amaliyotni muvaffaqiyatli yakunlash hisoblanadi», degan Bo‘zdog‘.
Uning so‘zlariga ko‘ra, Turkiya aviatsiyasining kurdlar pozitsiyalari bo‘ylab zarbalari davom ettiriladi.
Turkiya Qurolli kuchlari Bosh shtabi 20 yanvar kuni Afrinda «O‘z-o‘zini mudofaa qilish xalq kuchlari» va «Demokratik ittifoq» partiyasiga qarshi «Zaytun novdasi» operatsiyasining boshlanganligi haqida e'lon qildi.
24 fevral kuni BMT Xavfsizlik kengashi Suriyada 30 kun o‘t ochishni to‘xtatish haqidagi rezolyutsiya loyihasiga ovoz berdi. Ushbu yarashuv rejimi IShID terrorchilik guruhiga qarshi harbiy operatsiyalarga taalluqli bo‘lmaydi.
Turkiya ham Afrinda gumanitar tanaffusga amal qilishdan bosh tortdi.
Rasmiy Damashq Turkiyaning harakatlarini agressiya akti sifatida baholaydi.
Turkiyaning Suriyaga kirishi
Turkiya qurolli kuchlari Suriyaning Afrin mintaqasidagi qurollangan kurd bo‘linmalariga qarshi quruqlikdagi harbiy operatsiyani amalda boshladi.
