Nigeriyada o‘ta xavfli Lassa bezgagi tarqalmoqda

Nigeriyada yil boshidan beri Lassa bezgagi avj olmoqda, deb xabar beradi «Bi-bi-si».

Lassa bezgagi – o‘limga olib keluvchi kasallik bo‘lib, epidemiyani chaqirishi mumkin, hamda ayni damda unga qarshi vaksina yo‘q. Bu chuqur virusli gemorragik xastalik sanalib, u turli ichki a'zolarga zarar yetkazishi hamda qon tomirlarni buzishi mumkin. Ba'zi holatlarda kasallik Ebolaga ham o‘xshab ketadi – burun, og‘iz va tananing boshqa joylaridan qon ketadi.

Ta'kidlanishicha, kasallikning hozirgi tarqalishi ko‘lami va tezligi bo‘yicha avval hech qachon kuzatilmagan.

Taxminiy hisob-kitoblarga ko‘ra, virus tufayli taxminan 90 kishi halok bo‘ldi. Nigeriyada yanvar oyidan beri Lassa bezgagiga chalinganlik bo‘yicha 1000 dan ortiq shubhali holat aniqlandi, ulardan 317 tasi tasdiqlandi.