Retseptlarni qo‘lda yozishdan voz kechiladi

Bemorlar tibbiy yozuvlari va retseptlar elektron shaklga o‘tkaziladi. Bu prezident farmoni bilan tasdiqlangan 2018 yilgi Davlat dasturida nazarda tutilgan.

Barcha birlamchi tibbiy hujjatlar, jumladan retseptlar, elektron shaklga o‘tkaziladi. Qo‘l bilan yozishdan butunlay voz kechish alohida ta'kidlangan.

Bundan tashqari, retsept tegishli dorixona ma'lumotlar bazasida joylashganligini ta'minlaydigan axborot tizimini bosqichma-bosqich joriy etish nazarda tutilgan.

30 martga qadar tegishli normativ-huquqiy hujjat loyihasi ishlab chiqilishi kerak.

Ijrochilar sifatida Sog‘liqni saqlash vazirligi, Bandlik va mehnat munosabatlari vazirligi, Adliya vazirligi, Ichki ishlar vazirligi, Bosh prokuratura, Axborot texnologiyalari va kommunikatsiyalarini rivojlantirish vazirligi belgilangan.

Dasturda moliyalashtirish manbalari ko‘rsatilmagan, deb yozmoqda Spot.