Ruandada chaqmoqning cherkovga urilishi oqibatida 14 kishi halok bo‘ldi

Ruandada chaqmoqning cherkovga urilishi oqibatida ikki kun ichida kamida 16 kishi halok bo‘ldi. Bu haqda “Sinxua” axborot agentligi xabar bermoqda. 

10 mart kuni chaqmoq Nyaryuguru viloyatidagi cherkovga u yerda 45 kishi bo‘lganda urilgan. Oqibatda 14 kishi halok bo‘lgan, o‘nlab odamlar jarohat olgan. Ulardan ba'zilarining ahvoli o‘ta og‘ir.

9 mart kuni ham chaqmoq urishdan 2 kishi halok bo‘lgan.

Ushbu hodisa Ruandada qurilish me'yorlariga va shovqin darajasi bo‘yicha cheklovlarga mos kelmagan 700dan ko‘proq cherkov yopilganidan 2 hafta o‘tmasdan yuz berdi. Ba'zi cherkovlarda yashinqaytargich bo‘lmagan.