Messi «Real» bazasida mashg‘ulot o‘tkazadi

«Barselona» hujumchisi Lionel Messi Argentina terma jamoasi bilan birgalikda klubining Ispaniya chempionatidagi prinsipial raqibi bo‘lmish «Real» klubi bazasida mashg‘ulot o‘tkazadi. Bu haqda Daily Mail.

Argentina termasi 27 mart kuni Ispaniyaga qarshi o‘rtoqlik uchrashuvida maydonga tushadi. Uchrashuv Madriddagi «Atletiko»ning uy o‘yingohi bo‘lmish «Vanda Metropolitano»da bo‘lib o‘tadi. Ammo argentinaliklar jamoasi o‘rtoqlik uchrashuviga tayyorgarlikni «Real» bazasida o‘tashni ma'qul ko‘rgan.

Argentina Ispaniyaga qarshi o‘yindan oldin  23 mart kuni Manchesterda Italiya termasi bilan ham o‘rtoqlik uchrashuvi o‘tkazadi.