Месси «Реал» базасида машғулот ўтказади

«Барселона» ҳужумчиси Лионель Месси Аргентина терма жамоаси билан биргаликда клубининг Испания чемпионатидаги принципиал рақиби бўлмиш «Реал» клуби базасида машғулот ўтказади. Бу ҳақда Daily Mail.

Аргентина термаси 27 март куни Испанияга қарши ўртоқлик учрашувида майдонга тушади. Учрашув Мадриддаги «Атлетико»нинг уй ўйингоҳи бўлмиш «Ванда Метрополитано»да бўлиб ўтади. Аммо аргентиналиклар жамоаси ўртоқлик учрашувига тайёргарликни «Реал» базасида ўташни маъқул кўрган.

Аргентина Испанияга қарши ўйиндан олдин  23 март куни Манчестерда Италия термаси билан ҳам ўртоқлик учрашуви ўтказади.