Turkmanistonda parlament saylovi yakunlandi

Turkmanistonda mamlakat parlamenti – mejlisga saylovlarda ovoz berish jarayoni yakunlandi.

Odatga ko‘ra, saylovda yuqori davomat qayd etildi.

Mamlakat Markaziy saylov komissiyasi ovoz berish uchasktkalari yopilishiga 2 soat vaqt qolganida bergan ma'lumotga ko‘ra, umumiy saylovchilarning (3,2 million kishi) 86,34 foizi ovoz berib bo‘lgandi. Yakuniy ko‘rsatkichlar keyinroq ma'lum qilinadi.

Saylovlar bir mandatli okruglar bo‘yicha o‘tkazildi. Deputatlar 5 yilga saylanadi. Ovoz berishda ishtirok etganlarning yarmidan ko‘prog‘ining ovozini to‘play olgan nomzodlar g‘olib deb hisoblanadi. Parlament saylovlari natijalari saylovlar o‘tgandan keyin 7 kundan kech bo‘lmagan davr ichida Markaziy saylov komissiyasi tomonidan e'lon qilinadi.