Moskvada Sergey Mavrodi vafot etdi

Moskvada tadbirkor Sergey Mavrodi 63 yoshida hayotdan ko‘z yumdi. Bu haqda «MK» nashri xabar tarqatdi.

Nashr ma'lumotlariga ko‘ra, Mavrodi kecha soat 1.00lar atrofida Moskvadagi Polikarpov ko‘chasida joylashgan avtobus bekatidan shifoxonaga olib ketilgan. O‘tkinchi inson unga «tez yordamni» chaqirtirgan - Mavrodi kuchsizlik va yurakdagi og‘riqlardan shikoyat qilgan.

Mavrodi Moskvadagi 67-kasalxonaga olib ketildi. Uning hayotini saqlab qolishning iloji bo‘lmagan – bugun ertalab u vafot etgan.

Eslatib o‘tamiz, Mavrodi «MMM» yirik moliyaviy piramida tashkil etgani bilan ko‘pchilikning yodida qolgandi.