Qirg‘izistondagi to‘yda yuz bergan ommaviy zaharlanishga nima sabab bo‘lgani aniqlandi

Qirg‘izistondagi to‘yda yuz bergan ommaviy zaharlanishga taycha tovuq sabab bo‘lgan. Bu haqda RIA Novosti respublika Sog‘liqni saqlash vazirligi matbuot kotibi Yulduz Oygerchinovaga asosan xabar bermoqda.

To‘yda tortilgan tovuqli taomdan salmonelleza bakteriyalari topildi. «Respublika yuqumli kasalliklar klinik shifoxonasidagi bemorlardan olingan namunalar tahlili natijasida salmonella bakteriyalari borligi aniqlandi», - deya xabar berdi Qirg‘iziston Sog‘liqni saqlash vazirligi vakili.

Ekspertlarning aniqlashicha, to‘yda tortilgan tovuqli taomda «oziq-ovqat mahsulotini tayyorlash va saqlash texnologiyasi buzilgan».

Eslatib o‘tamiz, Qirg‘izistonda ommaviy zaharlanish 31 mart kuni, Bishkekdagi «Ala-Too» restoranida o‘tkazilgan to‘yda yuz berdi.

Avvalroq, Qirg‘izistondagi ommaviy zaharlanish oqibatida jabrlanganlar soni 222 kishiga yetgani xabar qilingandi.