Putin amerikalik generalni mukofotladi

Rossiya prezidenti Vladimir Putin AQSh Dengiz-piyoda kuchlari korpusi general-mayori Charlz Boldenni Do‘stlik ordeni bilan taqdirladi.

Huquqiy axborotlar portalida aniqlik kiritilishicha, Bolden ikki mamlakatning kosmonavtika sohasidagi hamkorligini mustahkamlashdagi xizmatlari uchun mukofotlangan.

Xuddi shunday orden Amerikaning boshqa bir fuqarosi — Aeronavtika va kosmosni tadqiq qilish bo‘yicha milliy boshqarmaning maslahat kengashi raisi Tomas Staffordga ham berilgan.

Shuningdek, Italiya fuqarosi, «Pirelli» kompaniyalar guruhi raisi o‘rinbosari Marko Tronketti ham Rossiya iqtisodiyotiga investitsiyalar jalb etishda qo‘shgan hissasi uchun mukofotlangan.