AQShning qanotli raketalarga ega esminetsi Suriyaga yaqinlashdi

AQShning USS Donald Cook esminetsi Suriyaning Tartus shahriga 100 km masofagacha yaqinlashdi. Bu haqda Turkiyaning Hurriyet nashri xabar bermoqda. 

Ta'kidlanishicha, Tartusda Rossiyaning harbiy-dengiz bazasi joylashgan. Nashr ma'lumotlariga ko‘ra, Rossiya harbiy samolyotlari AQSh esminetsi ustidan kamida 4 marta uchib o‘tgan. 

Avvalroq AQSh harbiy-dengiz kuchlarining 60 ta “Tomagavk” qanotli raketasi bilan jihozlangan kemasi Kiprdagi Larnaki portini tark etib, Suriya suv hududlari yaqinida joylashgani ma'lum qilingan.

9 aprelda Oq uy Rossiyaga Suriyada kimyoviy qurol qo‘llanishi bo‘yicha ayblov qo‘ydi. AQSh prezidenti Donald Tramp bunda Rossiya prezidenti Vladimir Putinni ayblagan va u bu uchun javob berishini aytgan.  

Avvalroq Pentagon rahbari Jyeyms Mettis go‘yoki rasmiy Damashq tomonidan kimyoviy qurol qo‘llangani haqidagi xabarlardan keyin AQSh Suriyaga kuch qo‘llashi mumkinligini aytgandi. 

USS Donald Cook esminetsining asosiy quroli 2500 kmgacha uchadigan va yadroviy zaryad tashiy oladigan “Tomagavk” raketalari hisoblanadi. Esminets oddiy va zarbdor variantlarda mos ravishda 56 ta va 96 ta shunday raketa bilan jihozlanadi.