Jizzaxda o‘g‘rilik qilgan ayol ushlandi

Jizzax shahrida o‘g‘rilik yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Ma'lum bo‘lishicha, 10 aprel kuni, 1978 y.t. Z.Sh. IIBga murojaat qilib, shu yil 9 aprel kuni soat 14.00larda, noma'lum ayol Halqobod mahallasida joylashgan “Eski shahar” buyum bozori oldidan uning boshqaruvidagi “Kobalt” rusumli avtomashinasiga yo‘lovchi sifatida o‘tirib biroz yurganlaridan so‘ng, haydovchi Z.Sh. avtomashinadan tushib savdo do‘koniga kirib ketgan vaqtida, noma'lum ayol avtomashinada bo‘lgan 3 mln 190 ming so‘m pulini o‘g‘irlab ketganligini ma'lum qilgan. 

Ko‘rilgan choralar natijasida ushbu jinoyatni Toshkent viloyati Chirchiq shahar Kangli ko‘chasida yashovchi,  muqaddam sudlangan, 1983 y.t. S.Q. sodir etganligi aniqlanib ushlangan.