2018 yilning 7 aprel kuni Buxoro viloyati, Peshku tumanida istiqomat qiluvchi, 70 yoshni qarshi olgan otaxon Muhammad Qudratov yurtimiz bo‘ylab sayohat qilish maqsadida velosiped orqali o‘z safarini boshlagani haqida xabar berilgan edi.
Turizmni rivojlantirish davlat qo‘mitasi matbuot xizmati xabariga ko‘ra, sayohat davomida ularning soni 2 nafar ekanligi aniqlandi. Omon ota Aslonov ham xuddi M.Qudratov singari Buxoro – Samarqand – Toshkent – Namangan – Farg‘ona – Andijon – Termiz – Qarshi – Buxoro yo‘nalishi bo‘yicha sayohatni amalga oshirishni rejalashtirgan.
![](https://storage.kun.uz/source/TRINUNA/hshgrhgfh124578-1.jpg)
Hozirda sayohatchi otaxonlarimiz Toshkent shahriga yetib kelishdi va Turizmni rivojlantirish davlat qo‘mitasi binosiga tashrif buyurishib, qo‘mita xodimlari bilan o‘zlarining taassurotlarini o‘rtoqlashishdi.
Hozirgi kunga qadar otaxonlar, Buxoro – Navoiy – Samarqand – Toshkent yo‘nalishi bo‘ylab velosipedda sayohatni amalga oshirishgan va mazkur hududlardagi tarixiy obidalar va diqqatga sazovor joylarni ziyorat etishgan.
![](https://storage.kun.uz/source/TRINUNA/hshgrhgfh124578-2.jpg)
![](https://storage.kun.uz/source/TRINUNA/hshgrhgfh124578-3.jpg)
![](https://storage.kun.uz/source/TRINUNA/hshgrhgfh124578-4.jpg)
![](https://storage.kun.uz/source/TRINUNA/hshgrhgfh124578-5.jpg)
![](https://storage.kun.uz/source/TRINUNA/hshgrhgfh124578-6.jpg)
![](https://storage.kun.uz/source/TRINUNA/hshgrhgfh124578-7.jpg)
![](https://storage.kun.uz/source/TRINUNA/hshgrhgfh124578-8.jpg)
Eslatib o‘tamiz, Muhammad ota 70 yoshni qarshilagan bo‘lsa, Omon ota 75 yoshga to‘lgan.