70 yoshli otaxon O‘zbekiston bo‘ylab velosayohatga chiqdi

2018 yilning 7 aprel kuni Buxoro viloyati, Peshku tumanida istiqomat qiluvchi, 70 yoshni qarshi olgan otaxon Muhammad Qudratov O‘zbekiston bo‘ylab sayohat qilish maqsadida velosiped orqali o‘z sayohatini boshladi. Bu haqda Turizmni rivojlantirish davlat qo‘mitasi matbuot xizmati xabar qilmoqda.

Sayohatchi otaxon Buxoro – Samarqand – Toshkent – Namangan – Farg‘ona – Andijon – Termiz – Qarshi – Buxoro yo‘nalishi bo‘yicha sayohatni amalga oshirishni rejalashtirgan. «Mazkur sayohat orqali yurtimizda ichki turizmni rivojlantirishga o‘z hissamni qo‘shmoqchiman», – deb ta'kidlaydi Muhammad bobo.

Hozirgi kunga qadar otaxon, Buxoro – Samarqand yo‘nalishida hamda Buxoro viloyatidagi «Yetti Pir» ziyoratgohlari bo‘ylab velosipedda sayohatni amalga oshirgan.