Bombardier O‘zbekiston bozoriga kirmoqchi
Kanadaning Bombardier mashinasozlik kompaniyasi O‘zbekiston bozoriga kirib kelish niyatida. Bu haqda Spot yozmoqda.
Kompaniyaning shartnomalar bo‘yicha direktori Martin Hermanning so‘zlariga ko‘ra, Bombardier imtiyozli kredit shartlari asosida samolyotlarni sotib olishda yordam berishga tayyor:
«Kanada Eksportni rivojlantirish agentligi xarid miqdorining 85 foizini qoplash uchun 12 yil muddatga kredit berishi mumkin», - deya aytib o‘tgan Herman.
Uning so‘zlariga ko‘ra, lizing paketlari doirasida hamkorlik qilish va O‘zbekistonda alohida ehtiyot qismlar ishlab chiqarishni tashkil etish masalasi ham ko‘rib chiqilishi mumkin.
«Biz yaqin kelajakda o‘z mahsulotimizni namoyish etishni va hamkorlik yo‘nalishlarini muhokama qilishni rejalashtirmoqdamiz», - deya xabar qilgan Herman.
Eslatib o‘tamiz, avvalroq «O‘zbekiston havo yo‘llari» Bombardier samolyotlarini xarid qilishi mumkin ekani xabar berilgandi.
Mavzuga oid
23:42 / 28.08.2024
Kanadada o‘rmon yong‘inlari oqibatida atmosferaga 2,4 mlrd tonnadan ortiq karbonat angidrid gazi chiqdi
19:11 / 27.08.2024
Kanada Xitoy elektromobillariga 100 foiz boj joriy qiladi
12:40 / 17.08.2024
Kanada Kiyevga Rossiya hududida zirhli texnikasidan foydalanishga ruxsat berdi
18:21 / 13.08.2024