Tramp Rossiyaga qarshi yangi sanksiyalar haqida televizordan bilgan – OAV

Foto: Jim Urquhart/Reuters

AQSh prezidenti Donald Tramp Amerika hukumati Rossiyaga qarshi yangi sanksiyalar joriy etish niyatida ekanini televizordan bilgan. Bu haqda The New York Times yozmoqda.

«Tramp yakshanba kuni televizor ko‘rib o‘tirgan va AQShning BMTdagi elchisi Nikki Heylining prezident Rossiyaga qarshi yangi sanksiyalar joriy etish rejasida ekani haqidagi bayonotini eshitgan», - deya xabar beradi nashr.

Nashr manbalari so‘zlariga ko‘ra, Tramp eshitgan narsasidan «darg‘azab bo‘lgan, sababi u bunday qarorni qabul qilmagan».

Eslatib o‘tamiz, joriy yilning mart oyi boshida Rossiya yetakchisi Vladimir Putin AQShning sanksiya siyosati kuch emas, balki zaiflik belgisi sanalishi haqida ma'lum qilgandi.