Budapesht meri - Samarqandda

Bugun Budapesht shahri meri boshchiligidagi delegatsiya Samarqand shahriga tashrif buyurdi. Delegatsiya a'zolari Samarqand temir yo‘l vokzalida viloyat hokimligi hamda keng jamoatchilik vakillari tomonidan kutib olindi. 
Viloyat hokimi T.Jo‘rayev Vengriya poytaxti rahbari Ishtvan Tarloshni qabul qildi. 

O‘zaro muzokaralar davomida mehmonlarga Samarqandning sayyohlik salohiyati, amalga oshirilayotgan islohotlar haqida ma'lumot berildi. O‘z navbatida mehmonlar Budapesht shahrining geografik joylashuvi, turizm sohasidagi imkoniyatlari haqida so‘z yuritishdi.

Ayni paytda delegatsiya a'zolari Samarqand shahrining tarixiy yodgorliklari va diqqatga sazovor joylarini ziyorat qilmoqda.