Будапешт мэри - Самарқандда

Бугун Будапешт шаҳри мэри бошчилигидаги делегация Самарқанд шаҳрига ташриф буюрди. Делегация аъзолари Самарқанд темир йўл вокзалида вилоят ҳокимлиги ҳамда кенг жамоатчилик вакиллари томонидан кутиб олинди.
Вилоят ҳокими Т.Жўраев Венгрия пойтахти раҳбари Иштван Тарлошни қабул қилди.

Фото: Самарқанд вилоят ҳокимлиги матбуот хизмати

Ўзаро музокаралар давомида меҳмонларга Самарқанднинг сайёҳлик салоҳияти, амалга оширилаётган ислоҳотлар ҳақида маълумот берилди. Ўз навбатида меҳмонлар Будапешт шаҳрининг географик жойлашуви, туризм соҳасидаги имкониятлари ҳақида сўз юритишди.

Айни пайтда делегация аъзолари Самарқанд шаҳрининг тарихий ёдгорликлари ва диққатга сазовор жойларини зиёрат қилмоқда.