Stiven Jyerrard Shotlandiya chempioni bosh murabbiyi bo‘ldi

«Glazgo Reyndjers» klubi Stiven Jyerrard bilan shartnoma imzolaganini e'lon qildi.

«Liverpul»ning sobiq yarimhimoyachisi, ayni paytda yoshlar jamoasi murabbiyi yozda Shotlandiyaning ko‘p karra chempionida ish boshlaydi.

«Reyndjers» bosh murabbiyi bo‘lish - men uchun sharafdir. Bu jamoni, uning tarixi va an'analarini juda hurmat qilaman. Faoliyatimdagi yangi davrning boshlanishini intizorlik bilan kutaman» - dedi Jyerrard.

Ma'lumki, so‘nggi yillarda «Reyndjers» avvalgi mavqesini yo‘qotib, ancha kuchsizlanib qolgan edi. Jamoa rahbariyati Jyerrardga ishonch bildirib, klubning chempionlik uchun kurashishiga ishonmoqda.