«Marhamat - 2017» tuti Mirziyoyevda katta taassurot qoldirdi
Davlat rahbarining «Andijan Silk.Co» qo‘shma korxonasiga tashrifi chog‘ida «Marhamat - 2017» tuti haqida ma'lumot berildi. Bu haqda prezident matbuot xizmati xabar qilmoqda.
Bu nav marhamatlik olim Abdufattoh Musurmonqulov tomonidan mahalliy «O‘zbekiston» va Yaponiyaning «Oshima» navlarini payvand qilish orqali o‘stirilgan. Uning barglari katta va orasi tig‘iz, shuning evaziga hosildorligi yuqori. Masalan, oddiy tutning bir gektaridan 20 tonna barg olinsa, «Marhamat - 2017» navidan 40 tonnagacha barg olish mumkin.
«Pillachilik milliy qadriyatimiz, boyligimiz. Undan uch martagacha hosil olish, tayyor mato ishlab chiqarib, katta daromad topish imkoniyati bor. Bizga faqat ozuqa - tut bargi yetishmaydi. Avvalgi tutlar qarigan, hosildorligi pasayib ketgan. Pillachilikni rivojlantirish uchun mana shunday intensiv va mahsuldor navlarni ko‘paytirish kerak» dedi Shavkat Mirziyoyev.
Eslatib o‘tamiz, avvalroq Shavkat Mirziyoyev Andijon tumanidagi «Andijan Silk.Co» qo‘shma korxonasiga tashrifi chog‘ida ramziy tugmani bosib, uning faoliyatiga start bergandi.
Mavzuga oid
15:53 / 08.10.2024
Andijonda “Oniks” anhorga tushib ketdi
13:58 / 06.10.2024
«Andijon» dramatik derbida tarixiy g‘alabaga erishdi (fotojamlanma)
19:44 / 26.09.2024
“Odamlar qiynalyapti” - Andijonda sel oqizib ketgan ko‘prik qachon tiklanadi?
16:57 / 19.09.2024