Maduro Putin, Tszinpin va Erdo‘g‘anga minnatdorlik bildirdi

Foto: Aleksey Nikolskiy/RIA «Novosti»

Venesuela prezidenti Nikolas Maduro tvitterdagi o‘z sahifasida Rossiya prezidenti Vladimir Putinga prezidentlik saylovlaridagi g‘alabasini tan olgani uchun minnatdorlik bildirdi.

«Venesuelani Rossiya bilan kuchli hamkorlik aloqalari bog‘lab turadi. Men prezident Vladimir Putinga bizning g‘alabamizni tan olgani uchun minnatdorlik bildiraman. Biz multiqutbli dunyoni qurishda birgalikda ishlashni davom ettiramiz», - deya yozgan Maduro.

Shuningdek, Maduro qo‘llab-quvvatlov uchun XXR raisi Si Tszinpin va Turkiya prezidenti Rajab Toyyib Erdo‘g‘anga minnatdorlik izhor qilgan.

Eslatib o‘tamiz, avvalroq Tramp Maduroga chaqiriq bilan chiqqandi.