Мадуро Путин, Цзиньпин ва Эрдўғанга миннатдорлик билдирди

Фото: Алексей Никольский/РИА «Новости»

Венесуэла президенти Николас Мадуро твиттердаги ўз саҳифасида Россия президенти Владимир Путинга президентлик сайловларидаги ғалабасини тан олгани учун миннатдорлик билдирди.

«Венесуэлани Россия билан кучли ҳамкорлик алоқалари боғлаб туради. Мен президент Владимир Путинга бизнинг ғалабамизни тан олгани учун миннатдорлик билдираман. Биз мультиқутбли дунёни қуришда биргаликда ишлашни давом эттирамиз», - дея ёзган Мадуро.

Шунингдек, Мадуро қўллаб-қувватлов учун ХХР раиси Си Цзиньпин ва Туркия президенти Ражаб Тоййиб Эрдўғанга миннатдорлик изҳор қилган.

Эслатиб ўтамиз, аввалроқ Трамп Мадурога чақириқ билан чиққанди.