Tramp Maduroga chaqiriq bilan chiqdi

AQSh prezidenti Donald Tramp rasmiy bayonot bilan chiqdi, unda u Venesuela prezidenti Nikolas Maduroni davlat rahbarligi uchun bo‘lib o‘tgan saylovlardan so‘ng demokratiyani tiklashga chaqirdi. Bu haqda Reuters xabar qilmoqda.

«Biz Maduro rejimini demokratiyani qaytarishga, erkin va halol saylovlarni o‘tkazishga, barcha siyosiy mahbuslarni darhol va hech qanday shartlarsiz ozod etishga, shuningdek, Venesuela xalqiga nisbatan qatag‘onlar hamda iqtisodiy cheklovlarni to‘xtatishga chaqiramiz», - deyiladi Trampning bayonotida.

Ushbu bayonot Oq uy rasmiy vakillari tomonidan tarqatildi.

Eslatib o‘tamiz, avvalroq Maduro raqibini xalqqa hurmatsizlikda ayblagandi.