Jiddada yo‘lovchi samolyotining shassisiz qo‘ndirilishi videoda qayd qilindi

Saudiya Arabistonining Madina shahridan Bangladeshning Daqqa shahriga uchayotgan Airbus A330 yo‘lovchi samolyoti qirollikning g‘arbida joylashgan Jidda shahriga favqulodda qo‘nishiga to‘g‘ri kelgan. Bu haqda Asharq Al-Awsat nashri ma'lum qildi.

Aviakompaniya vakilining aytishicha, bortida 141 yo‘lovchi va ekipajning 10 nafar a'zosi bo‘lgan samolyot havoga ko‘tarilgandan keyin ekipaj sardori “old shassining gidravlik mexanizmidagi nosozlik” haqida xabar bergan.  

Ta'kidlanishicha, shassini chiqarishga bir nechta urinishdan keyin samolyotni usiz qo‘ndirishga qaror qilingan. Samolyot qo‘ngandan keyin yo‘lovchilar va ekipaj a'zolari avariyaviy trap orqali evakuatsiya qilinganlar.