Fransiya bosh vaziri Isroilga tashrifini bekor qildi

Foto: Reuters

Fransiya bosh vaziri Eduar Filipp Isroilga may oyi oxiri – iyun oyi boshlariga rejalashtirilgan tashrifini bekor etish haqida qaror qabul qildi. Bu haqda Le Figaro yozmoqda.

Hukumatdagi manbalarning so‘zlariga ko‘ra, mamlakat bosh vazirining rejalari o‘zgarishi «ichki kun tartibi» bilan bog‘liq. Kantselyariyadagilar qaror AQSh elchixonasining Al-Qudsga ko‘chirilishi bilan bog‘liq bo‘lishi mumkin ekanini tasdiqlashmagan.

Nashr ma'lumotlariga ko‘ra, tashrif yaqin vaqt ichida bo‘lmaydi, biroq u baribir amalga oshadi.

Eslatib o‘tamiz, avvalroq Isroil falastinliklarga Ramazonda Al-Qudsga kirishni taqiqlagandi.