Meksika shtatlaridan birida 62 kishi o‘ldirildi

Meksikaning Guanaxuato shtatida bir hafta davomida kamida 62 kishi o‘ldirildi, deb xabar bermoqda RIA «Novosti».

Aniqlik kiritilishicha, Salamanka shahrida kuni kecha 11 kishining jasadi topilgan. Ular mayda bo‘laklarga bo‘lib tashlangan va qora plastik paketlarga joylashtirilgani aytilmoqda.

Bundan tashqari, Selayya shahrida besh kishi tushlik vaqtida, restoran egasi bilan qo‘shib otib tashlangan. To‘rt kishi Irapuato shahrida otib o‘ldirilgan.

Guanaxuato shtati bir necha narkokartellarning hudud ustidan nazorat uchun mojaro markaziga aylangan. Qator holatlarda qotillar qurbonlarining jasadi yonida «narkoxat» qoldirgan, ularda raqobatchilarga tahdid bildirilgan.