Janubiy Osetiya Gruziya bilan muzokaralar uchun shartlarni aytdi

Foto: RIA Novosti /Mixail Mokrushin

Janubiy Osetiya prezidenti Anatoliy Bibilovning ma'lum qilishicha, Tsxinval Tbilisi bilan muzokaralarni, agarda qator dastlabki shartlar bajarilsa boshlaydi. Bu haqda RIA «Novosti» xabar bermoqda.

«Biz, albatta, to‘g‘ridan-to‘g‘ri muloqotga tayyormiz, biroq ilgari surayotgan qator shartlarimiz bor. Birinchidan, Gruziya Osetiyaga haqiqatdan ham Gruziya hujum qilganini rasman tan olishi kerak», - dedi Bibilov.

Uning ta'kidlashicha, aybdorlar Gruziya ichki sudi yoki xalqaro tribunal tomonidan jazoga tortilishi lozim. Uning fikriga ko‘ra, Gruziya harbiylari «xalqni qirg‘in qilishgan» va buning uchun «javob berish shart».

Bibilov Peterburg iqtisodiy forumi doirasida shunday bayonot bilan chiqqan.

Eslatib o‘tamiz, avvalroq Janubiy Osetiya prezidenti mintaqadagi Rossiya qo‘shinlari haqida gapirgandi.