Nigeriyada 200 nafarga yaqin mahbus qamoqxonadan qochib ketdi

Nigeriyaning Niger shtati, Minna shahridagi qamoqxonadan kamida 180 nafar mahbus qochib ketgan. Bu haqda mamlakat ichki ishlar vaziri Abdulrahmon Danbazauga asoslangan holda Daily Post xabar tarqatdi.

Gazetma ma'lumotiga ko‘ra, mahbuslarning 30 nafarini ortga qaytarishga muvaffaq bo‘lishgan.

Niger shtati gubernatori Sani-Belloning ma'lum qilishicha, shtat hukumati federal hukumat bilan qamoqxonalardagi sharoitlarni yaxshilash bo‘yicha islohotlarni amalga oshirishda hamkorlik qilmoqchi.

Ayni vaqtda hukumat mahbuslarning qochib ketishi omillarini o‘rganmoqda.