OAV «Real» yetakchilari kimni bosh murabbiylikda ko‘rmoqchi ekanini ma'lum qildi

«Real» klubining uch nafar yetakchisi Serxio Ramos, Marselo va Krishtianu Ronaldu bosh murabbiylikka loyiq nomzod bo‘yicha bir qarorga kelishdi.

Tribalfootball xabariga ko‘ra, futbolchilar ish uslubi Zinedin Zidanga o‘xshash bo‘lgan Mikael Laudrup qo‘l ostida to‘p tepishni istayaptilar.

Ayni paytda, 53 yoshli daniyalik Qatarning «Ar-Rayyan» klubida ishlayapti. Laudrup murabbiylik faoliyatida «Brondbyu», «Xetafe», «Spartak», «Malorka» va «Suonsi» klublarini boshqarib, katta muvaffaqiyat qozonmagan.